Չերնոգորիայի նախկին նախագահը կպայքարի ՆԱՏՕ-ին անդամակցելու՝ խորհրդարանի որոշման դեմ
Չերնոգորիայի նախկին նախագահ Մոմիր Բուլատովիչը հայտարարել է քաղաքականություն վերադառնալու իր որոշման մասին. նա ցանականում է պայքարել երկրի՝ ՆԱՏՕ-ի անդամ դառնալու դեմ: Սերբական Srpske Novine լրատվականի տեղեկացմամբ՝ Բուլատովիչն այդպիսի որոշում է ընդունել Մոսկվայում «Անմահ գնդի» քայլերթը դիտելուց հետո:
«Երբ Հաղթանակի օրը ես Մոսկվայում էի, ինքս ինձ խոստացա, որ վերադառնալով Չերնոգորնիա՝ ես կմիանամ այն քաղաքական ուժերին, որոնք խաղաղ և ժողովրդավարական միջոցներով կպայքարեն այն ամոթալի որոշման դեմ՝ ըստ որի Չերնոգորիան պետք է դառնա ՆԱՏՕ-ի անդամ, քանի որ այդ ռազմական միությունը ֆաշիզմի ժամանակակից դրսևորումն է: Չերնոգորիան հակաֆաշիտական դաշինքին է պատկանում, որը գլխավորվել և գլխավորվում է Ռուսատանի կողմից, մնացածն անցողիկ երևույթներ են»,- կարծում է նախկին նախագահը:
Հիշեցնենք, որ ապրիլի 28-ին Չերնոգորիայի ազգային ժողովը քվեարկել է Հյուսիսատլանտյան դաշինքի անդամ դառնալու օգտին: Քանի որ ընդդիմությունը չէր մասնակցել նիստին, դրան ներկա 46 անդամները կողմ էին քվեարկել այդ որոշմանը: Այսպիսով Չերնոգորիայի իշխանությունները անցկացրել են այդ որոշումը խորհրդարանում, իսկ ահա հանրաքվե այս հարցով երկրում չի անցկացելու:
ՏԱՍՍ-ի փոխանցմամբ՝ մինչ խորհրդարանում քվեարկություն էր տեղի ունենում, բոյկոտող ընդդիմությունը մի քանի ամիս շարունակ բողոքի ցույցեր էր կազմակերպում, որոնց ավելի քան 1000 մարդ էր մասնակցել: Ընդդիմադիր առաջնորդներց մեկը՝ Միլան Կնեժևիչը, նշել էր, որ ՆԱՏՕ-ին անդամակցելու որոշումը երկիրը բաժանել է երկու մասի: