Կատարն ահաբեկիչներին փրկագին է վճարել թագավորական ընտանիքի անդամներին ազատելու համար. Financial Times
Կատարի իշխանությունները հարյուր միլիոնավոր դոլարներ են վճարել ահաբեկիչներին՝ Իրաքի հարավում գերեվարված թագավորական ընտանիքի անդամներին ազատ արձակելու համար. այս մասին գրում է Financial Times-ը։
Հոդվածի համաձայն՝ գործարքն իրականացվել է ապրլին։ Գումարը փոխանցվել է թագավորական ընտանիքի 26 անդամներին, ինչպես նաև Սիրիայում ջիհադիստների կողմից գերեվարված 50 զինվորականներին ազատելու համար։
Պաշտոնական Դոհան ժխտում է ահաբեկիչներին աջակցություն ցույց տալու պնդումները, սակայն կառավարությանը մոտ աղբյուրների հավաստմամբ՝ որոշակի գումարային փոխանցում եղել է։ Այդուհանդերձ, նա տեղյակ չէ, թե կոնկրետ որքան գումար է փոխանցվել կամ ում։ Բանակցություններին մասնակցած երկու կողմերի ներկայացուցիչները պնդում են, որ մոտավորապես 200-300 միլիոն դոլար է փոխանցվել «Թահրիր աշ-Շամ» խմբավորմանը՝ նախկինում հայտնի որպես «Ջեբաթ ալ-Նուսրա»։
Հիշեցնենք, որ հունիսի 5-ին Սաուդյան Արաբիան, Եգիպտոսը, Բահրեյնը և ԱՄԷ-ն խզեցին դիվանագիտական կապերը Կատարի հետ՝ վերջնիս մեղադրելով ահաբեկչական խմբավորումներին, այդ թվում նաև «Իսլամական պետությանը» և «Ալ Քաիդային» աջակցելու մեջ։ Ավելի ուշ այս երկրների օրինակին հետևեցին Եմենը, Լիբիան, Մալդիվյան հանրապետությունը և Մավրիկին։