Թրամփը կառաջարկի Քրիստոֆեր Ռեյի թեկնածությունը ՀԴԲ-ի պետի պաշտոնում
ԱՄՆ-ի նախագահ Դոնալդ Թրամփը պատրաստվում է ՀԴԲ-ի պետի պաշտոնում առաջարկել Քրիստոֆեր Ռեյի թեկնածությունը։ Այս մասին ամերիկյան առաջնորդը գրել է իր թվիթերյան էջում։
Միացյալ Նահանգների օրենսդրության համաձայն՝ Ռեյի թեկնածությունը պետք է հաստատվի ԱՄՆ-ի Կոնգրեսի կողմից։
Նշենք, որ մայիսի 9-ին Թրամփը ՀԴԲ-ի տնօրեն Ջեյմս Քոմիին ազատել էր աշխատանքից՝ պատճառաբանելով, որ գոհ չէ նրա աշխատանքից։ Վերջինս ՀԴԲ-ի ղեկավարի պաշտոնին էր նշանակվել 2013 թ. ամռանը՝ Բարաք Օբամայի նախագահության օրոք։
Քրիստոֆեր Ռեյն իրավաբանական կրթություն է ստացել Ելի համալսարանում։ 2003-2005 թ.թ.՝ Ջորջ Բուշ կրտսերի վարչակազմի օրոք, զբաղեցրել է ԱՄՆ-ի արդարադատության նախարարի տեղակալի պաշտոնը։ Ներկայումս Ռեյը King&Spalding իրավաբանական ընկերության բաժնետերերից է։