Դեմոկրատ կոնգրեսականներն առաջարկում են բազմաբևեռ աշխարհաքաղաքական հայեցակարգ ընդունել ՌԴ-ին դիմակայելու համար
ԱՄՆ-ն պետք է բազմաբևեռ աշխարհաքաղաքական հայեցակարգ ընդունի և նոր դաշինքներ կազմի, որպեսզի կարողանա դիմակայել «ժամանակակից Ռուսաստանի ներկայացրարած սպառնալիքին». Կոնգրեսի Ներկայացուցիչների պալատում Դեմոկրատական կուսակցության անդամներ Ադամ Սմիթի, Սեթ Մոուլթոնի, Ստեֆանի Մյորֆիի, Ռուբեն Գալյեգոյի և Ջո Քորթնիի այս դիրքորոշումը հրապարակել է Time ամսագիրը:
Կոգրեսմենների խոսքերով՝ թեև ՌԴ-ն «հիմնարար սպառնալիք է ներկայացնում իրենց արժեքներին, այդ սպառնալիքն անհաղթահարելի չէ»: Նրանք կոչ են անում «գիտակցել, որ աշխարհի կարգուկանոնը արմատական փոփոխություններ է կրել և այլևս նման չէ Երկրորդ համաշխարհային պատերազմից հետո՝ 1950-60-ականներին ձևավորված ուժային հավասարակշռության կառույցին»:
«Մենք պետք է գիտակցենք, որ այժմ մրցակցում ենք շատ ու շատ ուժեղ խաղացողների հետ, որոնք նոր շահերի առկայության դեպքում դաշինք են կազմում: Պետք չէ գործել այնպես, կարծես միայնակ կարող ենք հասնել մեր նպատակներին. բազմաբևեռ աշխարհի գոյությունը ժխտելու փոխարեն՝ մենք պետք է ընդունենք և գործածենք այն մեր օգտին»,- ասվում է կոնգրեսմենների առաջարկում:
Ինչպես նշում է ՏԱՍՍ-ը, նրանք առաջարկել են նաև «ներդրումներ կատարել պաշտպանության համաշխարհային համակարգում, որպեսզի ՆԱՏՕ-ում ԱՄՆ-ի դաշնակիցները և այլ գործընկերներ կարողանան պաշտպանվել Մոսկվայի ագրեսիայից»:
«Դրա համար անհրաժեշտ է Ռուսաստանի ռազմական ներուժի զսպման համակողմանի ռամավարություն՝ ներառյալ զինված ուժերի տեղակայում առաջին գծում, ռազմավարական հարաբերությունների խորացում և եվրոպացի գործընկերների հետ համատեղ զորավարժությունների իրականացում»,- այսպես են մտածում նամակի հեղինակները՝ միաժամանակ զգուշացնելով ՌԴ-ի հետ ԱՄՆ-ի՝ միջուկային զենքի մրցակցության մեջ մտնելու անարդյունավետության մասին:
Կոնգրեսմենների կարծիքով՝ բազմաբևեռ քաղաքականությունն ԱՄՆ-ին չի արգելում «համգործակցել այն գործընկերների և դաշնակիցների հետ, որոնք չեն կիսում բոլոր ամերիկյան արժեքները»: Նրանք մտածում են, որ համաշխարհային քաղաքականության մեծ զիջումներն սկզբունքային նշանակություն ունեն: