Բելգիան կրճատում է ռազմական ծախսերը՝ հաշվի չառնելով ՆԱՏՕ-ի պահանջները
Այս տարի Բելգիայի պաշտպանական ծախսերը նախորդ տարվա համեմատ կրճատվել են՝ չնայած Հյուսիսատլանտյան դաշինքի՝ ռազմական բյուջեն մինչև ՀՆԱ-ի 2%-ի չափով բարձրացնելու պահաջներին։
Համաձայն ՆԱՏՕ-ի հրապարակած՝ 2010-2017 թ․թ․ տվյալների՝ այս տարվա ընթացքում Բելգիան պաշտպանական ծախսերի համար կուղղի երկրի ՀՆԱ-ի 0,91 տոկոսը՝ նախորդ տարվա 0,93 տոկոսի դիմաց։
Թագավության ռազմական բյուջեն գնալով կրճատվում է։ Եթե 2010 թ․ պաշտպանական ծախսերը կազմում էին ՀՆԱ-ի 1,08%-ը, ապա 2014-ին՝ 0,98%-ը։ Համաձայն այս տարվա կանխատեսումների՝ պաշտպանական ծախսերով Բելգիան Դաշինքում զբաղեցնելու է նախավերջին հորիզոնականը՝ Լյուքսեմբուրգից հետո։
Հրապարակված տվյալների համաձայն՝ 2017 թ․ ՆԱՏՕ-ի անդամ պետությունների ռազմական բյուջեն կազմում է 946 միլիարդ դոլար, որից 683,4 միլիարդը վճարում է ԱՄՆ-ն։
ՆԱՏՕ-ի գլխավոր քարտուղար Յենս Սթոլթենբերգն ավելի վաղ հայտարարել էր, որ դաշինքի անդամ պետությունների ռազմական ծախսերն ավելանում են երրորդ տարին անընդմեջ, ընդ որում 2017 թվականին, նախնական տվյալներով, աճը կկազմի 4,3%։