Վլադիմիր Պուտինն այսօր երեկոյան հանդիպում կունենա Իլհամ Ալիևի հետ
Ռուսաստանի Դաշնության նախագահ Վլադիմիր Պուտինն այսօր՝ հուլիսի 21-ի երեկոյան Սոչիում հանդիպում կունենա Ադրբեջանի նախագահ Իլհամ Ալիևի հետ։ Այս մասին լրագրողների հետ զրույցում հայտնել է Կրեմլի մամլո քարտուղար Դմիտրի Պեսկովը։
«Այսօր երեկոյան Սոչիում աշխատանքային հանդիպում տեղի կունենա Վլադիմիր Պուտինի և Իլհամ Ալիևի միջև», - ասել է Պեսկովը։
ՌԴ նախագահի ներկայացուցիչը հայտնել է, որ Պուտինը ողջ օրն անցկանելու է Սոչիում, որտեղ ճաշից հետո այցելելու է «Սիրիուս» կրթական կենտրոն՝ ծանոթանալու կրթական գործընթացին և շփվելու երեխաների հետ։
Հիշեցնենք, որ ավելի վաղ ռուսական աղբյուրները հայտնում էին, որ Մոսկվան ցանկանում է հանդիպում կազմակերպել Հայաստանի և Ադրբեջանի նախագահների միջև։ Ավելի ուշ այս պնդումները հերքվեցին։