Մադուրոն մեղադրել է ԿՀՎ-ին իր դեմ դավադրություն կազմակերպելու մեջ
Վենեսուելայի նախագահ Նիկոլաս Մադուրոն մեղադրել է ԱՄՆ-ի Կենտրոնական հետախուզական վարչությանը Մեքսիկայի և Կոլումբիայի հետ իր երկրի ժողովրդավարական կառավարության դեմ դավադրություն կազմակերպելու մեջ. այս մասին տեղեկացնում է BFMTV-ն:
«Ես խնդրում եմ ԱՄՆ-ի նախագահ Դոնալդ Թրամփին պարզաբանել ԿՀՎ-ի պետի խոսքերը, որն իրեն համաշխարհային կառավարության տեղ է դրել»,- ասել է Մադուրոն:
Մինչ այդ Վենեսուելայի արտգործնախարար Սամուել Մանկադոն թվիթերյան իր էջում մի հրապարակում էր արել, որի համաձայն՝ ԿՀՎ-ն Մեխիկոյի և Բոգոտայի հետ միասին ձգտում է տապալել Վենեսուելայի ղեկավարությունը: Հրապարակմանը կցվել է հուլիսի 20-ին Ասպենայում կայացած Անվտանգության համաժողովի ժամանակ ենթադրաբար ԿՀՎ-ի պետ Մայք Պոնմեոյի կողմից արված հայտարարության պատճենը:
Ինչպես նշում է El Universal-ը, փաստաթղթից պարզ է դառնում, թե Պոմպեոն հայտարարել է Կոլումիբիայում ԱՄՆ-ի ունեցած լուրջ մտադրությունների մասին, ինչպես նաև նշել է, թե Վաշինգտոնը բավական լավատեսորեն է տրամադրված Վենեսուելայում իշխանությունների փոփոխության հեռանկարին:
Լենտա-ի փոխանցմամբ՝ հուլիսի 18-ին Թրամփը հայտարարել է, որ եթե Մադուրոն չհրաժարվի հուլիսի 30-ին սահմանադրական հանձնաժողովի ընտրության կազմակերպումից, Վաշինգտոնը «վճռական և անհապաղ տնտեսական գործողություններ կձեռնարկի»: Նա նշել է, որ «ԱՄՆ-ն մի կողմ քաշված չի նայելու, թե ինչպես է Վենեսուելան կործանվում»:
Հիշեցնենք, որ Վենեսուեայում արդեն մի քանի ամիս է, ինչ շարունակվում են նախագահի և ընդդիմության բախումները: Դժգոհության պատճառ է դարձել երկրին պատուհասած խոշորագույն տնտեսական ճգնաժամը: Խռովությունների հետևանքով մոտ 100 մարդ է զոհվել, 1500-ը վիրավոր է, ձերբակալվել են տասնյակ հազարավորները։