Բրիտանացիների ավելի քան 60%-ը դժգոհ է Թերեզա Մեյի կառավարությունից

Բրիտանացիների ավելի քան 60%-ը դժգոհ է Թերեզա Մեյի կառավարության գործունեությունից ԵՄ-ի հետ Բրեքզիթի հարցով տարվող բանակցություններում։ Այս մասին են վկայում ORB International անկախ սոցիոլոգիական ծառայության օգոստոսի 2-3-ին անցկացրած սոցհարցման արդյունքները․ գրում է Reuters գործակալությունը։

Համաձայն անցկացված սոցհարցման արդյունքների՝ բրիտանացիների 61%-ը դժգոհ է «Բրեքզիթի» հարցով Բրյուսելի հետ պաշտոնական Լոնդոնի վարած բանակցություններից։ Հատկանշանակն է, որ Մեյի կառավարության գործունեությունից դժգոհողների թիվը գնալով աճում է (հուլիսին՝ 56%, հունիսին՝ 46%)։

Դեռ բանակցությունների մեկնարկից (հունիսի 19) առաջ բրիտանական թերթերն անհանգստությոն էին հայտնում, որ Բրյուսելն իր դիրքորոշումը ներկայացնում է ավելի հանգամանորեն, քան Լոնդոնը։ Բրիտանական մամուլի չի բացառում, որ բրյուսելյան բյուրոկրատիայի կարգավորված համակարգն սկսել է զարգացնել բանակցային ռազմավարությունը Մեծ Բրիտանիայի՝ ԵՄ կազմից դուրս գալու հանրաքվեի հենց հաջորդ օրվանից։ Միացյալ Թագավորությունն այդ ընթացքում ստիպված է եղել անցնել կառավարության ձևավորման և խորհրդարանական ընտրությունների փուլերով։ Իսկ Թերեզա Մեյի կառավարությունը բախվել է Մեծ Բրիտանիայի՝ ԵՄ-ի կազմից դուրս գալու նոր ռազմավարության մշակման անհրաժեշտությանը։