Զախարովան ԱՄՆ-ին հիշեցրել է 1996 թ. նախագահական ընտրություններին ՌԴ ուղարկված 500 մլն դոլարի մասին

Ռուսաստանի Դաշնության արտաքին գործերի նախարարության պաշտոնական ներկայացուցիչ Մարիա Զախարովան ԱՄՆ-ին հիշեցրել է 1996 թ. նախագահական ընտրությունների նախօրեին Ռուսաստան ուղարկված 500 միլիոն դոլարի մասին. գրում է ՏԱՍՍ-ը:

Չախարովայի հայտարարությունը հաջորդել է ԱՄՆ Կենտրոնական հետախուզական վարչության պետ Մայքլ Պոմպեոյի այն խոսքերին, թե տասնամյակներ շարունակ Ռուսաստանը փորձել է խարխլել ժողովրդավարությունն ԱՄՆ-ում:

«Տարօրինակ է՝ Վաշինգտոնում մոռանում են, որ 1996 թ. Ռուսաստանի նախագահական ընտրությունների նախօրեին Դաշնային պահուստային բանկը՝ «հին հարյուրդոլարանոց թղթադրամների աժիոտաժից խոսափելու» հորինված պատվիրակով Մոսկվայում ԱՄՆ-ի դեսպանատուն է տեղափոխել 500 միլիոն դոլար կանխիկ գումար: Մի քանի գիշեր ԿՀՎ-ի դիվանագիական անձնակազմը՝ Մայքլ Սուլիկի գլխավորությամբ, բառացիորեն քնում էր գումարի պարկերի վրա՝ հսկելով դրանք, մինչև որ գումարն արտասահմանյան ավտոմեքենաներով հասցվեց որոշ անհատների»,- պատմել է պաշտոնական ներկայացուցիչը:

«Կարծում եմ՝ մենք մի օր կիմանանք նաև, թե այդ գումարով ինչ էր հովանավորվել: Կպարզենք կոնկրետ անուններ, ամսաթվեր և հանդիպումներ»,- հավելել է Զախարովան:

Նա նշել է, որ ԱՄՆ-ը երկար ժամանակ օգտագործում է ֆինանսական միջոցները՝ տարբեր երկրների քաղաքական գործընթացներին միջամտելու համար:

«Ռուսաստանն այդ հատկացումների ցուցակում հավանաբար առաջին տեղում է: Տարբեր պետական և հասարակական կազմակերպություններ, ինչպիսիք են «Խաղաղության կորպուսը», Միջազգային զարգացման ամերիկյան գործակալությունը, Ազգային ժողովրդավարական ինստիտուտը, Միջազգային հանրապետական ինստիտուտը և այլ կառույցներ տասնամյակներ շարունակ փորձում են ներթափանցել ռուսական ներքին քաղաքականություն՝ լրատվամիջոցների օգնությամբ ազդեցություն գործելով հասարակական կարծիքի վրա»,- ասել է ԱԳՆ-ի պաշտոնական ներկայացուցիչը:

«Որոշ տվյալների համաձայն՝ միայն 90-ական թվականներին Միացյալ Նահանգները մոտ 5 միլիարդ դոլար է ծախսել»,- հավելել է Զախարարովան: