Թիլերսոնը Մոսկվային մեղադրել է թալիբներին զենք մատակարարելու մեջ

ԱՄՆ-ի պետքարտուղար Ռեքս Թիլերսոնը Մոսկվային մեղադրել է Ռուսաստանում արգելված աֆղանական «Թալիբան» շարժմանը զենք մատակարարելու մեջ. պաշտոնյայի հայտարարությունը փոխանցում է «Իզվեստիա»-ն:

«Ռուսաստանն իսկապես զենք է տրամադրում թալիբներին, իսկ դա հակասում է ՄԱԿ-ի Անվտանգության խորհրդի և միջազգային իրավունքի նորմերին»,- հայտարարել է նա:

Պետքարտուղարը նշել է նաև, որ ամերիկյան իշխանությունները դատապարտում են դա: Նրա խոսքով՝ այդ երկրին մատակարարվող բոլոր զենքերը պետք է անցնեն աֆղանական կառավարությունով:

Ավելի վաղ Պետքարտուղարությունում հայտարարել են, որ ԱՄՆ-ը պատրաստ է աջակցել Աֆղանստանի կառավարության և «Թալիբան» շարժմանը միջև խաղաղ բանակցային գործընթացին: Դա հաջորդել է Ֆորտ Մայեր նավահանգստում ամերիկյան առաջնորդ Դոնալդ Թրամփի հայտարարությանը՝ Աֆղանստանի և Հարավային Ասիայի նկատմամբ ԱՄՆ-ի նոր ռազմավարության մասին:

Մինչ այդ մի շարք լրատվամիջոցներում հայտնվել են թալիբների կողմից ամերիկյան առաջնորդին ուղղված նամակից հատվածներ, որը հրապարակվել է Աֆղանստանում ԱՄՆ-ի նոր ռազմավարական քայլերի մասին տեղեկություններից հետո: