Նորվեգիայում տուգանել են բևեռային արջին վախեցրած գիդին

Նորվեգիայի իշխանությունները 1500 դոլարով տուգանել են բևեռային արջին վախեցրած գիդին։ Այս մասին գրում է Norway Today-ը։

Աղբյուրի փոխանցմամբ՝ Սվալբարդում գիդն ուղեկցելիս է եղել զբոսաշրջիկներին, երբ վերջիններս նկատել են բևեռային արջին։ Կենդանին գտնվել է մոտ 900 մետր հեռավորության վրա, և գիդը որոշել է ավելի մոտենալ նրան։ Կենդանին վախեցել է և հեռացել։ Գիդը, հասկանալով, որ վախեցրել է կենդանուն, դադարեցրել է հետապնդելը։

Տեղի իշխանությունների տվյալենրով՝ մարդկանց արգելվում է մոտենալ բևեռային արջերին այն դեպքում, եթե դա կարող է վախեցնել կենդանուն կամ խանգարել նրա բնականոն կյանքին։