Մոսկվան ձեռնպահ չի մնա Վաշինգտոնի դեմ պատասխան քայլեր ձեռնարկելուց․ ՌԴ ԱԳ փոխնախարար
Մոսկվան ցանկանում է, որ ԱՄՆ-ի քաղաքացիների ուղևորությունները դեպի ՌԴ իրակացվեն նվազագույն դժվարություններով, սակայն պատրաստ է հայելային պատասխան տալ, եթե Վաշինգտոնը խոչընդոտի ԱՄՆ-ում Ռուսաստանի դեսպանատան աշխատանքին. ՌԴ ԱԳ փոխնախարար Սերգեյ Ռիբկովի հայտարարությունը փոխանցում է ՏԱՍՍ-ը:
«Մենք ցանկանում ենք, որ Միացյալ Նահանգների քաղաքացիները Ռուսաստան այցելեն առանց դժվարությունների: Այս դեպքում ԱՄՆ-ի քաղաքականությունը մեզ համար պատճառ չի հայելային միջոցառումներ ձեռնարկելու համար, դա անարդյունավետ կլիներ»,- հավելել է բարձրաստիճան դիվանագետը:
«Մենք նախևառաջ առաջնորդվում ենք այն գիտակցությամբ, թե ինչն է մեզ ձեռնտու և պետքական, երկրորդ՝ ԱՄՆ-ի հետ երկկողմ հարաբերությունները չխարխլելու ձգտումով: Այդ պատճառով մուտքի արտոնագրի ոլորտում, չնայած ամերիկյան հեռուն գնացող որոշումներին, մեր կողմից հայելային միջոցառումներ չեն ձեռնարկվի. դա հաստատ»,- հավաստիացրել է նա:
Այդուհանդերձ Ռիբկովն զգուշացրել է, որ «եթե ամերիկացիները խոչընդոտեն ԱՄՆ-ում ռուսական դեսպանատան և հյուպատոսությունների աշխատանքին, այդ դեպքում կբարձրանա պատասխան՝ հայելային քայլերի ձեռնարկման հարցը»: