Սեուլը բալիստիկ հրթիռի կիրառմամբ զորավարժություն է անցկացել. ԶԼՄ-ներ

Հարավային Կորեան բալիստիկ հրթիռի օգտագործմամբ զորավարժություն է իրականացրել՝ ի պատասխան Հյուսիսային Կորեայի միջուկային փորձարկման. այս մասին տեղեկացնում է Yonhap գործակալությունը:

Աղբյուրի ունեցած տվյալների համաձայն՝ զորավարժություններում նախատեսված է եղել Hyunmoon բալիստիկ հրթիռի արձակումը և F-15K կործանիչների գործարկումը: Զորավարժությունների շտաբում նշել են, որ հրթիռը խոցել է Ճապոնական ծովում գտնվող թիրախը: Այնտեղ հավելել են նաև, որ զորավարժությունների լեգենդի համաձայն՝ հարվածի թիրախը եղել է Հս. Կորեաի տարածքում գտնվող Փհունգերի միջուկային փորձարկման կայանը:

Ավելի վաղ Կորեայի կենտրոնական լրատվական գործակալությունը տեղեկացրել էր, որ Փհենյանը նոր ջրածնային ռումբ է մշակել, որը կարող է օգտագործվել որպես միջմայրցամաքային բալիստիկ հրթիռի մարտագլխիկ: