Բրիտանական խորհրդարանի վրա կատարված կիբերհարձակման հետևում կանգնած է Իրանը․ Telegraph
Իրանը պատասխանատու է Մեծ Բրիտանիայի ազգային ժողովի վրա հունիսի 24-ին տեղի ունեցած հաքերային հարձակման մեջ։ Այս մասին գրում է Daily Telegraph-ը՝ հղում կատարելով կառավարության աղբյուրներին։
Հունիսին Times թերթը տեղեկություն էր տարածել, որ ռուսալեզու ինչ-որ կայքում հայտնվել են բրիտանացի նախարարների և պատգամավորների էլեկտրոնային հասցների գաղտնաբառերը։ Daily Telegraph-ը, սակայն, պնդում է, որ պաշտոնյաների էլեկտոնային հասցեների վրա կատարված հաքերային հարձակման հետևում կանգնած է Իրանը։
Թերթը չի ներկայացնում տարածած լուրերի իսկությունը հաստատող որևէ ապացույց։ Մեջբերվում է միայն ինչ-որ փորձագետների եզրակացություններ, թե իբր «Իսլամական հեղափոխության պահապանների կորպուսը» (Իրանի Զինված ուժերի ստորաբաժանում, - խմբ․) կիբերհարձակում է գործել, քանի որ ցանկանում է զարգացնել Իրանի միջուկային զինանոցը։
Հիշեցնենք, որ 2015 թ. հուլիսին Իրանը և միջազգային միջնորդերի վեցնյակը (ԱՄՆ, Ռուսաստան, Չինաստան, Մեծ Բրիտանիա, Ֆրանսիա, Գերմանիա) համաձայնության են եկել Թեհրանի միջուկային ծրագրի շուրջ և ստեղծել են Համատեղ համապարփակ գործողությունների ծրագիր: Իրանը պարտավորվել է սահմանափակել ուրանի հարստացման ոլորտում տարվող աշխատանքները՝ մի շարք պատժամիջոցների չեղարկման փոխարեն: 2016 թ․ հունվարին համաձայնագիրը թևակոխել է կենսագործման փուլ։