CNN-ի հաղորդավարն ընդգրկվել է Ադրբեջանի «սև ցուցակում»

Ամերիկյան CNN հեռուստաալիքի հաղորդավար, խոհարար Էնթոնի Բուրդենն ընդգրկվել է Ադրբեջանի արտաքին գործերի նախարարության «սև ցուցակում», քանի որ «առանց Բաքվի թույլտվության այցելել է Լեռնային Ղարաբաղ»։ Այս մասին հայտնում է Ադրբեջանի ԱԳՆ-ի մամլո խոսնակ Հիքմեթ Հաջիևը։

«CNN հեռուստաալիքի հաղորդավար, ամերիկացի հայտնի շեֆ-խոհարար Էնթոնի Բուրդենն ընդգրկվել է Ադրբեջանի անցանկալի անձանց ցուցակում Ադրբեջանի՝ բռնազավթված տարածքներ առանց թույլտվության այցելելու համար», - ասել է Հաջիևը։

Հիշեցնենք, որ ամերիկացի հեռուստաաստղն Արցախ է այցելել իր հաղորդման համար ռեպորտաժ պատրաստելու։ Այստեղ Բուրդենն արժանացել էր ջերմ ընդունելության և ծանոթացել Արցախի բարիքներին։