Նյու Յորքի ահաբեկչությունից հետո ԱՄՆ-ի հատուկ ծառայությունները որոնում են Ուզբեկստանի մեկ այլ քաղաքացու
ԱՄՆ-ի Հետաքննությունների դաշնային բյուրոն որոնում է Ուզբեկստանի քաղաքացի Մուհամաձոիր Քադիրովին, որը կարող է առնչություն ունենալ երեկ Նյու Յորքում տեղի ունեցած ահաբեկչության հետ։ Ասվում է Բյուրոյի տարածած հաղորդագրության մեջ։
Մուհամաձոիր Քադիրովը ծնվել է 1984 թվականին։ ՀԴԲ-ն հրապարակել էր նաև նրա լուսանկարը։ Ավելի ուշ Բյուրոյի մամուլի ծառայությունը տեղեկություն է տարածել, որ դադարեցվել է Քադիրովի նկատմամբ հետախուզումը։
Նյու Յորքի դատախազությունն, իր հերթին, հայտնել է, որ Մանհեթենում վարերթ իրականացրած անձը՝ Ուզբեկստանի քաղաքացի Սայֆուլո Հաբիբուլաևիչ Սաիփովը մեղադրվում է ահաբեկչություն կատարելու մեջ։
Հիշեցնենք, որ հոկտեմբերի 31-ին Նյու Յորքի հայնտի Մանհեթեն թաղամասում անհայտ անձը մեքենայով վրաերթի էր ենթարկել հետիոտների և հեծավորդների, այնուհետև, մեքենայից դուրս գալով, կրակ էր բացել անցորդների և արդեն դեպքի վայր ժամանած իրավապահների ուղղությամբ։ Հարձակման հետևանքով զոհվել էր 8 մարդ, մարմնական վնասվածքներ էին ստացել՝ ավելի քան 10-ը։
ԱՄՆ նախագահ Դոնալդ Թրամփը հայտարարել է, որ Սաիփովն Ուզբեկստանից Միացյալ Նահանգներ էր եկել՝ շահելով «գրին քարտ»-ի խաղարկությունում։