ՌԴ հատուկ ծառայությունները ձերբակալել են «Արտպոդգոտովկա» շարժման անդամներին (տեսանյութ)
Ռուսաստանի Դաշնության Անվտանգության դաշնային ծառայությունը ձերբակալել է «Արտպոդգոտովկա» շարժման անդամներին, որի ղեկավարն է բլոգեր Վյաչեսլավ Մալցևը։ Խմբի անդամների վնասազերծման հատուկ գործողությունը, որի տեսանյութը հրապարակել է ԱԴԾ-ը, կատարվել է նոյեմբերի 3-ին։
ՌԴ հատուկ ծառայությունները նշում են, որ խումբը պատրաստվում էր զանգվածային անկարգություններ կազմակերպել Մոսկվայում։ Մասնավորապես՝ ծրագրվում էր դյուրավառ նյութերով հրդեհներ բռնկել վարչական շենքերում, ինչպես նաև հարձակումներ գործել ոստիկանության աշխատակիցների վրա։
«Արտպոդգոտովկա» շարժումը համարվում է ծայրահեղական, և նրա գործունեությունն արգելված է Ռուսաստանի Դաշնության տարածքում։