Սոմալիի իշխանությունները հայտարարել են «Աշ Շաբաբ» ծայրահեղական խմբավորմանը ջախջախելու մասին
Սոմալիի իշխանությունները հայտարարել են երկրում «Աշ Շաբաբ» իսլամիստական խմբավորմանը ջախջախելու մասին։
«Մենք հաղթանակ են տարել «Աշ Շաբաբ» խմբավորման նկատմամբ, և մոտ ապագայում զինյալները վերջնականապես կջախջախվեն», - BBC-ին տված հարցազրույցում հայտարարել է Սոմալիի տեղեկատվության նախարար Աբդրահման Օմար Օսմանը։
Ավելի վաղ Աֆրիկյան միությունը (աֆրիկյան պետությունների քաղաքական տնտեսական միավորում) հայտարարել էր, որ աստիճանաբար ավարտում է իր խաղաղարար առաքելությունը Սոմալիում և նախատեսում է մինչև այս տարվա վերջ երկրից դուրս բերել մոտ հազար զինծառայող։
Սոմալիի տեղեկատվության նախարարի խոսքով՝ Աֆրիկյան միության որոշման վրա չի ազդել նաև մայրաքաղաք Մոգադիշոյում հոկտեմբերի 14-ին տեղի ունեցած ահաբեկչկան գործողությունը, որը մոտ 350 մարդու կյանք էր խլել։
«Աշ Շաբաբ»-ը (երիտասարդ մոջահեդների շարժումը, - խմբ․) Սոմալիում հիմնված ծայրահեղական խմբավորում է։ Այն ակտիվորեն համագործակցում է «Ալ-Քաիդա» միջազգային ահաբեկչական խմբավորման հետ։ «Աշ-Շաբաբը» զինված պայքար է մղում Սոմալիի իշխանությունների դեմ՝ խանգարելով ՄԱԿ-ի հումանիտար առաքելություններին։ 2008 թ․ ԱՄՆ-ը «Աշ-Շաբաբն» ընդգրկել է ահաբեկչական խմբավորումների ցանկում։