ՌԴ ռազմաօդային ուժերը նոր ավիահարվածներ են հասցրել Սիրիայում Իսլամական պետության դիրքերին

ՌԴ ռազմաօդային ուժերի Ту-22М3 տեսակի 6 ռմբակոծիչներ ավիահարվածեր են հասցրել «Իսլամական պետություն» ահաբեկչական խմբավորման՝ Սիրիայի հյուսիսարևելյան շրջանում գտնվող դիրքերին։ Այս մասին տեղեկացնում է Ռուսաստանի պաշտպանության նախարարությունը։

«2017 թ․ նոյեմբերի 25-ին վեց Ту-22М3 հեռահար ռմբակոծիչներ ավիահարվածներ են հասցրել Սիրիայի հյուսիսարևելքում կենտրոնացած ԻՊ ահաբեկիչների դիրքերին», - ասվում է ՌԴ պաշտպանության նախարարության հաղորդագրության մեջ։

Նշվում է, որ ռմբակոծիչները, թռչելով Ռուսաստանի տարածքից, կործանել են Էլ Իշար բնակավայրում կենտրոնացած ԻՊ զինտեխնիկան և մարդկային ուժը։

Նախարարության տվյալներով՝ խոցվել են նախանշված բոլոր թիրախները։ ՌԴ պաշտպանական գերատեսչության հաղորդմամբ, Սիրիայի տարածքում ռմբակոծիչներին Հմեյմիմ ավիաբազայից քողարկել են ՍՈւ-30ՍՄ և ՍՈւ-35Ս կործանիչները։

Ռազմական գործողությունն իրականացնելուց հետո բոլոր ինքնաթիռները վերադարձել են օդակայաններ։