Իսպանիայում տեղի ունեցած գնացքի վթարի հետևանքով զոհերի թիվը հասել է 27-ի
Իսպանիայի հարավային Անդալուսիա մարզում տեղի ունեցած մարդատար գնացքի վթարի հետևանքով զոհերի թիվը հասել է 27-ի։ Այս մասին տեղեկացնում է Pais թերթը՝ հղում կատարելով Իսպանիայի արտակարգ իրավիճակների նախարարության տվյալներին։
Ավելի վաղ հաղորդվում էր 21 զոհի մասին։
Մալագայից Սևիլյա ուղևորվող գնացքի վերջին՝ երրորդ վագոնը դուրս է եկել ռելսերից, ինչն էլ դարձել է վթարի պատճառ։ Նշվում է, որ պատահարը տեղի է ունեցել Արաալ բնակավայրի մոտակայքում։
Անդալուսիայի առողջապահության խորհուրդը հայտնում է, որ գնացքում եղել է 79 ուղևոր։ Ծայրահեղ ծանր վիճակում գտնվող երկու ուղևորներին հիվանդանոց են տեղափոխել ուղղաթիռով։