Սաակաշվիլին հանրահավաքները կազմակերպում է Յանուկովիչի գումարներով․ Ուկրաինայի Գլխավոր դատախազ

«Նոր ուժերի շարժում» կուսակցության առաջնորդ, Վրաստանի նախկին նախագահ Միխայիլ Սաակաշվիլին օգտագործում է Ուկրաինայի նախկին նախագահ Վիկտոր Յանուկովիչի փողերն այս երկրում հանրահավաքներ կազմակերպելու և իշխանությունը զավթելու համար։ Այս մասին ճեպազրույցի ժամանակ հայտարարել է Ուկրաինայի Գլխավոր դատախազ Յուրի Լուցենկոն․ գրում է ՏԱՍՍ-ը։

«Մենք հայտնաբերել ենք, որ մի շարք քաղաքական գործիչներ, այդ թվում՝ Սաակաշվիլին, համագործակցում են Յանուկովիչի հանցավոր խմբավորման անդամների, առաջին հերթին՝ Սերգեյ Կուրչենկոյի հետ։ Նրանց գումարներով Սաակաշվիլին և իր համախոհները Ուկրաինայում ֆինանսավորել և կազմակեպել են հանրահավաքներ՝ նպատակ ունենալով զավթել իշխանությունը», - ասել է Գլխավոր դատախազը։

Նրա հավաստմամբ՝ Սաակաշվիլիի վստահելի մարդկանցից մեկին՝ Սեվերիոն Դանգաձեին այս գործի համար հանձնել է մոտ կես միլիոն դոլար։