ՌԴ հատուկ ծառայությունները վնասազերծել են ահաբեկչական գործողություններ նախապատրաստող խմբի
ՌԴ Անվտանգության դաշնային ծառայությունը կանխել է ահաբեկչական գործողություններ, որոնք պետք է կատարվեին ամանորյա տոների և նախագահական ընտրությունների քարոզարշավի ընթացքում։ Այս մասին հայտնում է Ռուսաստանի հակաահաբեկչական ազգային կոմիտեի ղեկավար Ալեքսանդ Բորտնիկովը․ գրում է Ռիա Նովոստի-ն։
Աղբյուրի փոխանցմամբ՝ օրեր առաջ Մոսկովյան շրջանում վնասազերծվել է վերոնշյալ ահաբեկչական գործողությունները նախապատրաստող խումբը։ Նրանք պատրաստվում էին հարձակումներ իրականացնել նաև մահապարտների մասնակցությամբ։
Խուզարկությամբ ահաբեկիչների մոտից հայտաբերվել են ինքնաշեն պայթուցիկ նյութեր, հրաձգային և այլ զինատեսակներ։ Անվտանգության դաշնային ծառայությունը բացահայտել և ոչնչացրել է նաև պայթուցիկ նյութերի պատրաստման լաբորատորիա։
Ողջ 2017 թ․ ընթացքում Ռուսաստանի հատուկ ծառայությունները կանխել են 18 խոշոր հարձակում՝ վնասազերծելով ահաբեկչական գործողություններ նախապատրաստող 56 խումբ, ձերբակալվել է շուրջ հազար ահաբեկիչ։
Անվտանգության դաշնային ծառայությունը կանխել է նաև ահաբեկչական խմբավորումների հետ կապեր ունեցող մոտ 17,5 հազար մարդու մուտքը երկիր։