Հյուսիսային Կորեան ցանկանում է դառնալ մոլորակի ամենահզոր միջուկային տերությունը

Կորեայի Ժողովրդադեմոկրատական Հանրապետությունը ցանկանում է հասնել միջուկային ամենահզոր պետությունը դառնալու իր նպատակին։ Այս մասին հայտարարել է ՄԱԿ-ում Հյուսիսային Կորեայի մշտական ներկայացուցիչ Չա Սոն Նամը։

«ԿԺԴՀ-ը, առանց հաշվի առնելու, թե ով ինչ է ասում, շարունակելու է առաջ շարժվել և դառնալ մոլորակի ամենահզոր միջուկային և ռազմական տերությունը», - հազվադեպ ելույթներից մեկի ժամանակ հայտարարել է մշտական ներկայացուցիչը։

Նրա խոսքով՝ բոլորի համար ակնհայտ է, որ Հյուսիսային Կորեան չի ոտնահատում այլ պետությունների շահերը։

«Միջուկային զենքի առկայությունը ինքնապաշտպանության և տարածաշրջանում կայունություն հաստատելու համար է», - ասել է Չա Սոն Նամը։

Փհենյանի ներկայացուցչի ելույթից հետո ԱՄՆ պետքարտուղար Ռեքս Թիլերսոնը, Ճապոնիայի արտաքին գործերի նախարար Տարո Կոնոն և Հարավային Կորեայի փոխնախագահ Չո Հունը հայտարարեցին, որ ԿԺԴՀ-ն չեն ճանաչում որպես միջուկային տերություն։