Սեբաստիան Կուրցը գլխավորել է Ավստրիայի նոր կառավարությունը

Ավստրիայի նախագահ Ալեքսանդր Վան դեր Բելլենի նստավայրում՝ Հոֆբուրգ ամրոցում, տեղի է ունեցել Սեբաստիան Կուրցի՝ դաշնային կանցլերի պաշտոնին նշանակվելու երդմնակալության արարողությունը։ Այս մասին տեղեկացնում է Ռիա Նովոստի-ն։

Կուրցը և 13 նորանշանակ նախարարներն առաջիկա հինգ տարիներին լինելու են Ավստրիայի կառավարության անդամները։

Նոր կոալիցիոն կառավարությունը կազմվել է Ավստրիայի պահպանողական կուսակցության և աջակողմյան քաղաքական կողմնորոշում ունեցող՝ Ավստրիայի ազատության կուսակցության անդամներից։ Այս երկու կուսակցությունները վերջին անգամ կոալիցիոն կառավարություն էին ձևավորել 2000-2005 թ․թ․։

Կառավարության կազմում պահպանողականներն ստացել են 8, իսկ աջերը՝ 6 մանդատ։

Սա պատմության մեջ երրորդ դեպքն է, երբ աջերը և պահպանողականները կազմում են կոալիցիոն կառավարություն։ Պահպանողականների հետ նախորդ կառավարության կազմում էին սոցիալ-դեմոկրատները։