Անգլիայի դպրոցներից մեկում արգելվել է աշակերտուհիներին «աղջիկ» անվանել՝ տրանսգենդերներին չվիրավորելու համար․ Daily Mail

Անգլիայի Օլթրինգեմ քաղաքի՝ աղջիկների համար նախատեսված քերականական դպրոցում ուսուցիչներին արգելել են աշակերտուհիներին «աղջիկ» անվանել, որպեսզի դա չվիրավորի տրանսգենդերերին։ Այս մասին գրում է բրիտանական Daily Mail-ը։

Ծնողներին ուղարկած նամակում դպրոցի տնօրեն Ստեֆանի Ջիլը նշել է, որ իրենք արձագանքել են այն մարտահրավերներին, որոնց բախվում են իրենց սեռական ինքնությունը հարցականի տակ դնող ուսանողները։

Ուսուցիչներին հանձնարարված է դպրոցում սովորողներին անվանել «ուսանողներ», սակայն «աղջիկներ» դիմելաձևն ամբողջությամբ հանված չէ դպրոցից։

Daily Mail-ի հավաստմամբ՝ տեղի բնակիչների մի մասն իր դժգոհությունն է հայտնել այս «նորարարության» կապակցությամբ։

«Երբ ես բացեցի նամակը, չէի հասկանում՝ կատակ է դա, թե՝ ոչ։ Կարծում եմ՝ սա նորմալ չէ», - հայտարարել է դպրոցում սովորող աշակերտներից մեկի ծնողը։

«Սա անհեթեթություն է։ Մենք ապրում ենք մի ժամանակում, երբ պետք է հարգենք մյուս մարդկանց հայացքները, և եթե ինչ-որ մեկն ունի սեռական կողմնորոշման խնդիր, մենք պետք է հասկանանք դա։ Սակայն աղջիկներին պետք է անվանել աղջիկներ», - ասել է տեղի բնակիչերից մեկ ուրիշը։