Ադրբեջան է տեղափոխվել ռուսական ռազմական տեխնիկայի նոր խմբաքանակ
Ադրբեջանի պաշտպանության նախարարությունը տեղեկացնում է, որ Արբեջան է ներկրվել ռուսական ռազմական տեխնիկայի նոր խմբաքանակ։
«Համաձայն Ռուսաստանի Դաշնության և Ադրբեջանի Հանրապետության միջև միջկառավարական համաձայնագրի՝ շարունակվում է ռուսական արտադրության ժամանակակից ռազմական տեխնիկայի ներկրումն Ադրբեջան», - ասվում է Ադրբեջանի պաշտպանության նախարարության մամուլի ծառայության տարածած հաղորդագրության մեջ։
Նշվում է, որ զենքի հերթական խմբաքանակը Բաքվի նավահանգիստ է ժամանել հունվարի 19-ին։
«Կենդանի ուժի, տենիկայի և այլ սարքավորումների ոչնչացման համար նախատեսված զինտեխնիկան» սահմանային շրջաններ կտեղափոխվի մոտ ժամանակներս։