Քաբուլում հյուրանոցի վրա կատարված հարձակման հետևանքով զոհվել է Ուկրաինայի 7 քաղաքացի

Աֆղանստանի մայրաքաղաք Քաբուլում հյուրանոցի վրա կատարված հարձակման հետևանքով զոհվել է Ուկրաինայի 7 քաղաքացի։ Այս մասին հայտնում է Տաջիկստանում և Աֆղանստանում Ուկրաինայի դեսպան Վիկտոր Նիկիտյուկը․ գրում է Ռիա Նովոստի-ն։

Նրա խոսքով՝ արդեն հաստատվել է այդ մարկանց զոհվելու մասին լուրերը։ Դիվանագետը նշել է նաև, որ անհրաժեշտ է ստուգել այդ մարդկանց մասին ԶԼՄ-ներում հայտնված տվյալները։ Ավելի վաղ լրատվամիջոցներում շրջանառվում էին 9 զոհի մասին ոչ պաշտոնական տեղեկություններ։

Նշենք, որ հունվարի 20-ին զինված ահաբեկիչները արձակվել էին Քաբուլի Intercontinental Hotel հյուրանոցի վրա, որտեղ 18 ժամվա ընթացքում լսվել են կրակոցների և պայթյունների ձայներ։

Լրատվամիջոցներում հայտնված տարբեր տեղեկությունների համաձայն՝ հարձակման հետևանքով զոհվել է 43 մարդ։ Հաջողվել է փրկվել 126 մարդու, որոնցից 41-ը եղել են այլ երկրների քաղաքացիներ։ Աֆղանսանի ներքին գործերի նախարարության հավաստմամբ՝ զոհվել է 18 մարդ, որոնցից 14-ը՝ արտասահմանցիներ։

Նշվում է, որ զոհերի թվում է եղել նաև Պաիստանի Կարաչի քաղաքում Աֆղանստանի գլխավոր հյուպատոսը։

Տեղի ունեցած հարձակման պատասխանատվությունն արդեն ստանձնել է «Թալիբան» շարժումը։

Intercontinental Hotel-ն առաջին անգամ չէ, որ ենթարկվում է ահաբեկիչների հարձակմանը։ 2011 թ․ 9 զինյալներ գրոհել էին հյուրանոցի շենքը։ Այն ժամանակ զոհվել էր 12 մարդ։ Իրավապահներին հաջողվել էր ոչնչացնել բոլոր ահաբեկիչներին։