Բելգիայի խորհրդարանում ներկայացվել է հակառուսական պատժամիջոցները չեղարկելու մասին բանաձև
Բելգիայի խորհրդարան է ներկայացվել Ռուսաստանի նկատմամբ տնտեսական պատժամիջոցները չեղարկելու մասին բանաձև։ Այս մասին Sputnik International-ին հայտնել է «Ֆլամանդական շահ» կուսակցության առաջնորդ Ֆիլիպ Դեվինտերը․ գրում է Lenta-ն։
Փաստաթղթում նշված է, որ Բելգիայի կառավարությունը Եվրոպայի Խորհրդում պետք է նախաձեռնի Մոսկվայի նկատմամբ սահմանափակող միջոցների չեղարկումը։
Պատգամավորը ավելի վաղ բազմիցս հայտարարել է հակառուսական պատժամիջոցները չեղարկելու անհրաժեշտութան մասին։
«Մենք ոչ միայն դեմ ենք գնում միջազգային իրավունքին, այլ նաև անարդար և անարդյունավետ ենք վարվում Եվրոպայի հետ», - ասել է Դեվինտերը։
Նրա խոսքով՝ հակառուսական պատժամիջոցների հետևանքով բելգիացի արտահանողները տարեկան կորցնում են 1,5 միլիարդ եվրո։
Հիշեցնենք, որ Երոպական Միությունը և ԱՄՆ-ը Ռուսաստանի նկատմամբ սկսել են պատժամիջոցներ կիրառել 2014 թ․՝ կապված Ղրիմի՝ Ռուսաստանին միանալու և Ուկրաինայի հարավարևելքում տիրող իրավիճակի հետ։
Մոսկվան բազմիցս հայտարարել է, որ չի հանդիսանում ուկրաինական հակամարտության կողմ, իսկ Ղրիմի՝ Ռուսաստանին միացման գործընթացը ամբողջովին ամապատասխանում է միջազգային իրավունքին։