ՆԱՏՕ-ի ռազմանավերը մտել են Սև ծով
Հունվարի 30-ին Սև ծով են մտել Մեծ Բրիտանիայի ռազմածովային ուժերի 45 Duncan ծրագրի հրթիռային ականակիրը և թուրքական Gaziantep հածանավը, որոնք մտնում են ՆԱՏՕ-ի երկրորդ մշտական ռազմածովային SNMG-2 (Standing NATO Maritime Group) խմբի մեջ։ Այս մասին թվիթերյան գրառման միջոցով հայտնում է ՆԱՏՕ-ի միավորված ռազմածովային ուժերի հրամանատարությունը։
Հաղորդագրությանը կից ներկայացվել են Սև ծով մտած ռազմանավերի լուսանկարները։
Ավելի վաղ հաղորդվում էր, որ ռազմածովային մշտական խումբը, որի կազմը, բացի բրիտանական և թուրքական ռազմանավերից, համալրում է նաև ռումինական Regele Ferdinand հածանավը, հունվարի 30-ից փետրվարի 17-ը Սև ծովում կիրականացնի դիտարկման գործողություններ։