Թուրքիայի ռազմաօդային ուժերի ավիահարվածների հետևանքով Իրաքի հյուսիսում զոհվել է 49 քուրդ զինյալ
Թուրքիայի ռազմաօդային ուժերը Իրաքի հյուսիսային շրջաններում ավիահարվածներ են հասցել Քրդստանի աշխատավորական կուսակցության (PKK) դիրքերին։ Այս մասին տեղեկացնում է թուրքական Anadolu լրատվական գործակալությունը՝ հղում կատարելով Թուրքիայի ԶՈւ Գլխավոր Շտաբի հայտարարությանը։
Աղբյուրի փոխանցմամբ՝ ավիահարվածների հետևանքով զոհվել է PKK-ի 49 անդամ։ Նշվում է, որ գործողությունն իրականացվել է Իրաքի հյուսիսային Զապ, Ավաշին, Բասյան, Հաքուրք և ևս մի քանի այլ շրջաններում։
Թուրքական ավիացիան պարբերաբար ռմբակոծում է PKK-ի՝ Իրաքի հյուսիսում գտնվող դիրքերը՝ ոչնչացնելով նրանց հավաքատեղիները և զինամթերքի պահեստները։
Քրդստանի աշխատավորական կուսակցությունը (PKK) հիմնադրվել է 1978 թ. Դիարբեքիրում մի խումբ քուրդ ուսանողների կողմից, որոնց առաջնորդում էր Աբդուլլահ Օջալանը։ Վերջինս ցմահ ազատազրկման է բանտարկված թուրքական Իմրալը կղզում։ Կուսակցության վերջնական նպատակը ազգային ինքնավարություն ստեղծելն է։ Քրդստանի աշխատավորական կուսակցության գործունեությունն արգելված է Թուրքիայի իշխանությունների կողմից։