Անգլիայի եկեղեցիներից մեկի քահանային նկարել են թմրանյութեր օգտագործելիս

Անգլիայի եկեղեցիներից մեկի քահանային նկարել են թմրանյութեր օգտագործելիս։ Այս մասին հայտնում է The Sun-ը։

Հրապարակված տեսանյությում երևում է, թե ինչպես է Վեսթ Հեմի եկեղեցու քահանա Սթենեթ Քիրբին ընկերոջ հետ կանեփ ծխում և կոկաին օգտագործում։ Նրանք թմրանյութ օգտագործելու հետ մեկտեղ դիտում էին պոռնո ֆիլմ, որի ընթացքում քահանան ցանկություն է հայտնում մարմնավաճառ կանչելու։

«Շատ եմ ցանկանում, սակայն բավարար գումար չունեմ։ Ինձ մոտ ընդամենը 10 ֆունտ է մնացել», - ափսոսում է քահանան։

Հատկանշական է, որ այս ամենը տեղի է ունեցել քահանայի տանը, որն ավելի քան 2 միլիոն դոլարով վարձել էր Չելմսֆորդի թեմը։

Սթենեթ Քիրբին Վեստ Հեմի եկեղեցում ծառայում էր 2007 թվականից։

Եկեղեցու ներկայացուցիչները նշում են, որ դիտել են սկանդալային տեսանյութը։ Նրանք սկսել են ներքին հետաքննություն և հավաստիացնում են, որ ծայրահեղ լուրջ են վերաբերվում տեղի ունեցածին։