Մեծ Բրիտանիայի ԱԳ նախարարը Brexit-ի շուրջ ստեղծված իրավիճակն անվանել է քաոսային
Մեծ Բրիտանիայի արտաքին գործերի նախարար Բորիս Ջոնսոնը գերմանացի բարձրաստիճան պաշտոնյաների հետ ունեցած փակ հանդիպման ժամանակ հայտարարել է, որ Brexit-ի շուրջ սtեղծված իրավիճակը նման է քաոսի։ Այս մասին գրում է The Telegraph-ը։
Աղբյուրի համաձայն՝ Ջոնսոնը, «քաոս» ասելով, նկատի է ունեցել Brexit-ի շուրջ բանակցությունները, այլ ոչ թե Եվրամիության կազմից դուրս գալու մասին Մեծ Բրիտանիայի որոշումը։
Նշվում է, որ հանդիպման ժամանակ Մեծ Բրիտանիայի ԱԳ նախարարը գերմանացի պաշտոնյաներին կոչ է արել Brexit-ը դարձնել տնտեսական հնարավորություն։
Telegraph-ի փոխանցմամբ՝ գերմանացի պաշտոնյաների հետ այս զրույցը տեղի է ունեցել Ջոնսոնի՝ Բեռլին կատարած երկու այցերից մեկի ժամանակ։ Դրանցից մեկը տեղի է ունեցել 2016 թ․ նոյեմբերին, իսկ մյուսը՝ 2017 թ․ ապրիլին։
Brexit-ի հարցով բանակցություններն սկսվել են 2017 թ․ հունիսի 19-ին՝ Եվրամիությունից Մեծ Բրիտանիայի դուրս գալու վերաբերյալ հանրաքվեի անցկացումից մոտ մեկ տարի անց։ Հիշեցնենք, որ հանրաքվեի արդյունքում 51,9% ձայնով հաղթանակ էին տարել Brexit-ի կողմնակիցները։