ԱՄՆ-ը խանգարում է Եվրոպայում միջուկային զինաթափմանը․ Լավրով

Եվրոպայում ԱՄՆ-ի ոչ ռազմավարական միջուկային զենքի պահպանումը, ինչպես նաև «համատեղ միջուկային փորձարկումների» պրակտիկան խանգարում են միջուկային զինաթափմանը։ Այս մասին Ժնևում կայացած համաժողովի ժամանակ հայտարարել է ՌԴ արտաքին գործերի նախարար Սերգեյ Լավրովը․ գրում է Ռիա Նովոստի-ն։

«Միջուկային զինաթափմանը խոչընդոտում է ամերիկյան ոչ ռազմավարական միջուկային զենքի պահպանումը Եվրոպայում, որն ուղեկցվում է «համատեղ միջուկային փորձարկումների» ապակայունացնող պրակտիկայով», - ասել է Լավրովը։

ՌԴ արտաքին քաղաքական գերատեսչության ղեկավարի խոսքով՝ այդ առաքելությունների շրջանակներում «ՆԱՏՕ-ի ոչ միջուկային անդամ պետությունները կոպտորեն խախտում են միջուկային զենքի չտարածման մասին համաձայնագիրը և մասնակցում են ամերիկյան ոչ ռազմավարական միջուկային զենքի կիրառման նախագծմանը»։

«Բոլորին պետք է հասկանալի լինի, որ այդպիսով ամերիկացի զինվորականները Եվոպական պետությունների զինված ուժերին պատրաստում են Ռուսաստանի դեմ ռազմավարական միջուկային զենք կիրառելուն», - շարունակել է Լավրովը։