Արևելյան Գուտայից դուրս է բերվել ահաբեկիչների՝ 13 հոգուց բաղկացած խումբ
13 զինյալից բաղկացած ահաբեկչական առաջին խումբը լքել է Արևելյան Գուտան՝ օգտվելով Մուհայամ Ալ Վաֆեդին բնակավայրում ստեղծված հումանիտար միջանցքից։
Այս մասին, ինչպես հայտնում է Russia Today-ը, հայտարարել է Սիրիայում հակամարտող կողմերի հաշտեցման ռուսական կենտրոնի ներկայացուցիչ Յուրի Եվտուշենկոն։
«Սիրիայում հակամարտող կողմերի հաշտեցման ռուսական կենտրոնի սպաների կողմից անցկացված երկարատև բանակցությունների արդյունքում համաձայնություն է ձեռք բերվել Արևելյան Գուտայից դուրս բերել զինյալների 13 հոգանոց մի խումբ», - ասել է Եվտուշենկոն։
Նրա խոսքով՝ ահաբեկիչները դուրս են եկել զինաթափված, իսկ պրովակացիաներ չեն եղել։
«Սիրիայի կառավարության ներկայացուցիչների մասնակցությամբ շարունակվելու են մյուս ահաբեկիչների դուրս բերման հարցով բանակցությունները», - հավելել է կենտրոնի ներկայացուցիչը։