Թիլերսոնի պաշտոնանկությունը չի անդրադառնա ԱՄՆ-ի և դաշնակիցների հարաբերությունների վրա․ Պենտագոնի ղեկավար

Ռեքս Թիլերսոնի պաշտոնանկությունը չի անդրադառնա ԱՄՆ-ի և դաշնակիցների հարաբերությունների վրա։ Այս մասին լրագրողներին տված հարցազրույցի ժամանակ հայտարարել է ԱՄՆ պաշտպանության նախարար Ջեյմս Մեթիսը։

«Այս թեման քննարկվել է միայն ձեզ՝ լրագրողներիդ հետ։ Ես հասկանում եմ, թե դուք ինչու եք հարցնում։ Աշխարհի շատ տեղերում ես ուղղակի նշում եմ, որ սա վաշինգտոնյան պատմություն է», - ասել է Մեթիսը։

Նա վերջին օրերին պաշտոնական այցով եղել է Բահրեյնում և Աֆղանստանում։ «Այս երկու երկրների՝ ԱՄՆ-ի հետ հարաբերությունների ներուժը դուրս է որևէ անհատի կարևորության շրջանակից», - նշել է Պենտագոնի ղեկավարը՝ հիշեցնելով, որ ինքը և Թիլերսոնը բոլոր տարաձայնությունները հարթել են մինչև Սպիտակ տուն գնալը։

Հիշեցնենք, որ ավելի վաղ ԱՄՆ նախագահ Դոնալդ Թրամփն աշխատանքից հեռացրել էր պետքարտուղար Ռեքս Թիլերսոնին և այդ պաշտոնին նշանակել ԿՀՎ ղեկավար Մայք Պոմպեոյին։