Պեսկովը մանրամասներ է ներկայացրել Պուտինի և Թրամփի հեռախոսազրույցից

Վլադիմիր Պուտինի և Դոնալդ Թրամփի հեռախոսազրույցն անցել է շատ կառուցողական և աշխատանքային մթնոլորտում։ Այս մասին հայտարարել է ՌԴ նախագահի մամուլի խոսնակ Դմիտրի Պեսկովը։

Նրա խոսքով՝ ԱՄՆ առաջնորդը Պուտինին շնորհավորել է նախագահական ընտրություններում հաղթանակի կապակցությամբ։

«Ես իրավունք չունեմ և չեմ էլ ցանկանում որևէ կերպ մեկնաբանել Սպիտակ տան ներքին գործերը, մենք առանց այդ էլ շատ աշխատանք ունենք անելու», - ասել է Պեսկովը՝ անդրադառնալով այն տեղեկություններին, որ Թրամփի խորհրդականները նրան խորհուրդ են տվել չշնորհավորել Պուտինին։

Ինչպես նշել է Կրեմլի մամուլի խոսնակը, երկու նախագահները համաձայնել են, որ առկա խնդիրների քանակը ստիպում է առանձին հանդիպում ունենալ։ Սակայն կոնկրետ որևէ ժամկետ չի նշվել տվյալ հանդիպման համար։ Կողմերը հայտնել են նաև համաշխարհային անվտանգության և ահաբեկչության դեմ պայքարի հարցերում ջանքերը միավորելու իրենց պատրաստակամության մասին։

Հեռախոսազրույցի ընթացքում անդրադարձ է կատարվել նաև ԱՄՆ-ի և ԿԺԴՀ-ի առաջնորդների հնարավոր հանդիպմանը։

«Այս կարևորագույն թեման քննարկվել է, սակայն չի խոսվել տվյալ հանդիպման համար Ռուսաստանի կողմից հարթակ դրամադրելու մասին», - ասել է Պեսկովը՝ հավելելով, որ Մոսկվան պատրաստ է աջակցել Կորեական թերակղզում առկա խնդիրը լուծելուն։

«Ի վերջո, այստեղ ԱՄՆ-ի և Ռուսաստանի շահերը համընկնում են։ Հնարավոր են որոշ տարակարծություններ մեթոդաբանության և մարտավարության մեջ, սակայն ռազմավարական նպատակը մեկն է։ Մենք բոլորս էլ կողմ ենք Կորեական թերակղզու ապամիջուկայնացմանը և խնդրի քաղաքական կարգավորմանը», - եզրափակել է Կրեմլի մամուլի խոսնակը։

https://ria.ru/politics/20180321/1516920360.html