Ադրբեջանում դժգոհ են ռուսական զենքի որակից
Ադրբեջանում դժգոհ են ռուսական զենքի որակից։ Այս մասին ասվում է «Беларуская Праўда» թերթում տեղ գտած հոդվածում։
Բելառուսական պարբերականը, հղում կատարելով սեփական աղբյուրներին, հայտնում է, որ 2017 թ․ վերջին ռուս-ադրբեջանական ռազմատեխնիկական համագործակցության հարցերով հաձնաժողովների փակ հանդիպման ժամանակ Բաքուն բարձրացրել և առանձնահատուկ ուշադրութուն է հրավիրել Ռուսաստանի՝ Ադրբեջանին ռազմական տեխնիկա մատակարարելու վերաբերյալ ստանձնած պարտավորությունների կատարմանը։
Նշվում է, որ հանդիպմանը դժգոհություն է արտահայտվել ռուսական մի շարք զինատեսակների, այդ թվում՝ Т-90С-ի, БМП-3-ի, БТР-82, РСЗО «Смерч»-ի և այլ զենքերի մատակարարման վերաբերյալ պայմանագրերի դրույթների կատարման հարցով։
Հիմնական պահանջները վերաբերում էին «մատակարարված զինատեսակների՝ շարքից դուրս եկած վիճակում գտնվելուն, տեխնիկական փաստաթղթերի և ընթացիկ նորոգման համար անհրաժեշտ բաղադրիչների բացակայությանը»։
Բացի այդ՝ ադրբեջանական կողմը նշել է, որ РСЗО «Смерч»-ի հրթիռները չեն պայթում արձակման ժամանակ, БТР-82А ինքնաձիգի փամփուշտները չեն հասնում թիրախին, իսկ Ми-35 ուղղաթիռներում մշտապես նկատվում են ջերմային խողովակների անսարքություններ, ինչը թույլ չի տալիս միացնել շարժիչը։ Համապատասխան կերպով չեն աշխատում նաև ուղղաթիռների գնդակոծության և հրթիռակոծության համակարգերը։