Իրանում խոստացել են, որ Իսրայելը պատասխան կտա սիրիական ավիաբազան հրթիռակոծելու համար
Իսրայելը ստիպված կլինի պատասխան տալ սիրիական ավիաբազայի հրթիռակոծության համար։ Այս մասին հայտարարել է Իրանի հոգևոր առաջնորդ Այաթոլլա Ալի Խամենեիի՝ միջազգային հարցերով խորհրդական Ալի Ակբար Վելայաթին։
Այս մասին գրում է Ռիա Նովոստի-ն՝ հղում կատարելով Al Mayadeen հեռուստաալիքին։
Ապրիլի լույս 9-ի գիշերը իսրայելական ռազմաօդային ուժերը գրոհել էին Սիրիայի Հոմս նահանգում գտնվող Տիֆոր ավիաբազան։
ՌԴ պաշտպանության նախարարության փոխանցմամբ՝ հարվածները հասցվել են երկու F-15 ինքնաթիռներով։ Նշվում է, որ հրթիռներից միայն երեքն են հասել իրենց նպատակին։ Սիրիայի հակաօդային պաշտպանության համակարգերին հաջողվել է խոցել մնացած 5 հրթիռները։
Հրթիռակոծության հետևանքով զոհվել է իրանցի մի քանի զինվորական։ Այնտեղ գտնվող ռուս ռազմական մասնագետները չեն տուժել։
Թեհրանը տեղի ունեցածը համարել է Սիրիայի ինքնիշխանության խախտում, ինչը հակասում է միջազգային իրավունքին։
Հիշեցնենք, որ այս տարվա փետրվարին իսրայելական ռազմաօդային ուժերը կրկին ռմբակոծել էին T-4 ավիաբազան, որտեղ, նրանց պնդմամբ, գտնվում է իրանական անօդաչու սարքերի կառավարման կենտրոնը։ Այդ ժամանակ ցամաքից կատարված հարվածով վնասազերծվել էր F-16 կործանիչը։ Ի պատասպան ինքնաթիռի կործանմանը իսրայելական ռազմաօդային ուժերը գրոհել էին Դամասկոսի մոտակայքում գտնվող մի շարք ռազմական օբյեկտներ՝ գնդակոծելով ՀՕՊ համակարգերի մարտկոցներ։