Սիեթլում ՌԴ գլխավոր հյուպատոսարանի աշխատակիցները լքել են հյուպատոսարանի շենքը
Սիեթլում Ռուսաստանի Դաշնության հյուպատոսարանի աշխատակիցները լքել են հյուպատոսության շենքը։ Այս մասին գրում է Ռիա Նովոստի-ն։
Ավելի վաղ Միացյալ Նահանգների իշխանությունները պահանջել էին Սիեթլում ՌԴ հյուպատոսարանի շենքը լքել մինչև ապրիլի 24-ը։ Այս որոշումը կայացվել էր ռուս 60 դիվանագետների արտաքսելու որոշման հետ։
Գլխավոր հյուպատոսարանն իր գործունեությունը դադարեցրել էր դեռ ապրիլի 2-ին։
Ինչպես նշում է Ռիա Նովոստի-ն, ՌԴ պետական դրոշը մնացել է հյուպատոսական շենքի վրա, իսկ աշխատակիցների ավտոշարասյունը շարժվել է Վաշինգտոնի ուղղությամբ։
Մեկնաբանելով հյուպատոսարանի փակման մասին որոշումը՝ ԱՄՆ իշխանությունները նշում են, որ այն կապված է ոչ միայն Սոլսբերիում տեղի ունեցած դեպքի հետ, այլ նաև այն փաստի հետ, որ հյուպատոսարանի շենքը շատ մոտ է Boeing-ի գործարանին և սուզանավերի բազաներից մեկին։ Նշվում է նաև, որ հյուպատոսարանի աշխատակիցնեը չեն մեղադրվում լրտեսության մեջ և հետևաբար չեն արտաքսվում երկրից։