Հյուսիսային և Հարավային Կորեաները լավացնում են հարաբերությունները

Հյուսիսը և Հարավը լավացնելու են հարաբերությունները։ Այս մասին ասվում է ԿԺԴՀ առաջնորդի և Հարավային Կորեայի նախագահի հանդիպման արդյունքներն ամփոփող ընդհանուր հայտարարության մեջ։

«Հյուսիսը և Հարավը հասնելու են հարաբերությունների համընդհանուր և ամբողջական զարգացման՝ այդպիսով ավելի մոտեցնելով ընդհանուր զարգացումը և առաջխաղացումը», - նշված է փաստաթղթում։

Ժամեր առաջ Կիմ Չեն Ընը և Մուն Չժե Ինը հանդիպում են ունեցել երկու երկրների սահմանագծի չեզոք գոտում։ Կիմ Չեն Ընն անցել է սահմանագիծը՝ այդպիսով դառնալով Հյուսիսային Կորեայի առաջին առաջնորդը, որը եղել է Հարավային Կորեայի տարածքում։

Բանակցությունների առաջին փուլում ԿԺԴՀ առաջնորդն առաջարկել է վերջ դնել հակամարտությանը, իսկ Մուն Չժե Ինն իր հերթին կարևորել է երկու երկրների միջև երկաթուղային հաղորդակցության ամրապնդումը։

Ավելի վաղ Կիմ Չեն Ընը հատարարել էր, որ ապրիլի 21-ից դադարեցնելու է միջուկային և հրթիռային փորձարկումները։

Փհենյանը նաև հրաժարվել է կիրառել միջուկային զենք, եթե իր նկատմամբ միջուկային սպառնալիք չլինի։ Հյուսիսային Կորեայի ներկայացուցիչները խոստացել են միջուկային զենքի տեխնոլոգիաները չփոխանցել որևէ այլ պետության։

Աղբյուր՝  https://ria.ru/world/20180427/1519536736.html?referrer_block=index_main_1