Նախագահ Սարգսյանը հեռախոսազրույց է ունեցել Ղազախստանի նախագահ Նուրսուլթան Նազարբաևի հետ
Հայաստանի Հանրապետության նախագահ Արմեն Սարգսյանը հեռախոսազրույց է ունեցել Ղազախստանի նախագահ Նուրսուլթան Նազարբաևի հետ։
Այս մասին, ինչպես գրում է «Արմենպրես»-ը, հայտնել է Ղազախստանի նախագահի մամուլի ծառայությունը։
«Հեռախոսազրույցի ընթացքում երկու երկրների նախագահները քննարկել են Հայաստանի ներքաղաքական ներկայիս իրադրությունը: Նուրսուլթան Նազարբաևը համոզմունք է հայտնել, որ բարեկամական հայ ժողովուրդը կգտնի ստեղծված ճգնաժամից դուրս գալու ճիշտ ուղին՝ կառուցողական երկխոսության և իրավական դաշտի շրջանակում»,- ասվում է տարածված հայտարարության մեջ: