ՀՀ պաշտպանության նախարար Դավիթ Տոնոյանի կենսագրությունը

ՀՀ պաշտպանության նորանշանակ նախարար Դավիթ Տոնոյանը ծնվել է 1967 թ․ դեկտեմբերի 27-ին Ղազախական Խորհրդային Սոցիալիստական Հանրապետության Ուստ Կամենոգորսկ քաղաքում։

1986-1988 թ․թ. ծառայել է խորհրդային բանակում։

1991 թ․ ավարտել է Երևանի պետական համալսարանի երկրաբանության ֆակուլտետը։

1992-1994 թ․թ. ծառայել է ՀՀ ՆԳՆ կազմակերպված հանցավորության դեմ պայքարի գլխավոր վարչությունում։

1994 թ. զինվորական ծառայության է անցել ՀՀ ՊՆ ռազմական ոստիկանության վարչությունում որպես բաժնի պետ։

1997 թ․ ավարտել է Ռուսաստանի Դաշնության ռազմադիվանագիտական ակադեմիան։

1998-2004 թ․թ.  ծառայել է ՆԱՏՕ-ի գործողությունների դաշնակցային հրամանատարության շտաբին կից՝ տարբեր պաշտոններում։

2004-2007 թ․թ. եղել է ՆԱՏՕ-ում ՀՀ ԶՈՒ ներկայացուցիչ։

2007-2008 թ․թ. զբաղեցրել է ՀՀ ՊՆ միջազգային ռազմական համագործակցության և պաշտպանական ծրագրերի վարչության պետի պաշտոնը։ 2008-2010 թ․թ. եղել է ՀՀ ՊՆ պաշտպանական քաղաքականության վարչության պետ։

2010 թ. հոկտեմբերի 2-ին ՀՀ Նախագահի հրամանագրով նշանակվել է ՀՀ պաշտպանության նախարարի առաջին տեղակալ։

2017 թվականին ՀՀ նախագահի հրամանագրով նշանակվել է Հայաստանի Հանրապետության արտակարգ իրավիճակների նախարար:

Հայրենիքին մաուցծ ծառայությունների համար ստացել է բազմաթիվ պարգևներ և մեդալներ։ Ամուսնացած է, ունի երկու զավակ։ Զյուդոյի սպորտի վարպետ է։ Բացի հայերենից, տիրապետում է նաև ռուսերեն, անգլերեն և ֆրանսերեն լեզուներին։