Բեռլինում սպառնում են պատասխանել «Հյուսիսային հոսք-2»-ի նկատմամբ ամերիկյան հնարավոր պատժամիջոցներին
«Հյուսիսային հոսք-2» ծրագրից Բեռլինի հիպոթետիկ հրաժարումը չի երաշխավորում, որ ԱՄՆ-ից հեղուկ գազի ներկրման ծավալները կմեծանան։ Այս մասին հայտարարել է Գերմանիայի էներգետիկայի և էկոնոմիկայի նախարար Պետեր Ալթմայերը։
«ԱՄՆ-ը փնտրում է շուկաներ։ Մենք ըմբռնումով ենք մոտենում այս հարցին և պատրաստ ենք հոգ տանել, որ այդ գազն ավելի հեշտ կերպով հասնի Գերմանիա։ Տվյալ պահին, սակայն, դա շատ ավելի թանկ է, քան այն գազը, որը գալիս է խողովակաշարով», - ասել է նախարարը։
Ալթմայերի խոսքով՝ եթե Միացյալ Նահանգները սեփական տնտեսական հետաքրքրությունը դարձի գլխավոր հարց, ապա պետք է պատրաստ լինի, որ Եվրոպան պատասխանելու է նույն կերպ։
Ավելի վաղ Bloomberg լրատվականը, հղում կատարելով ԱՄՆ պետքարտուղարի օգնականին, հայտնում էր, որ «Հյուսիսային հոսք-2» ծրագրի հետագա զարգացման դեպքում Վաշինգտոնը պատրաստ է դիտարկել «պատժամիջոցերի միջոցով ԱՄՆ-ի հակառակորդներին հակազդելու» մասին օրենքի շրջանակներում հակաքայլեր կատարելու հնարավորությունը։ Աղբյուրի փոխանցմամբ՝ ամերիկյան կողմը սա բացատրում էր նրանով, որ գազատարի կառուցումը ավելի կամրանդի Եվրոպայի կախվածությունը ռուսական գազից։
«Հյուսիսային հոսք-2» ծրագիրը, որի վրա պետք է ծախսվի մոտ 9,5 միլիարդ եվրո, նախատեսում է կառուցել գազատար խողովակների երկու գիծ՝ տարեկան 55 միլիարդ խորանարդ մետր հզորությամբ։ Այսպես՝ ռուսական գազն, անցնելով Բալթիկ ծովով, պետք է հասնի մինչև Գերմանիա։
Աղբյուր՝ https://ria.ru/economy/20180518/1520815104.html?referrer_block=index_main_1