ՌԴ Պետդումայում անդրադարձել են երկրում ամերիկյան ռազմաբազա հիմնելու Վարշավայի ծրագրերին
Ռուս-լեհական սահմանին Վարշավայի վարած քաղաքականությունը տանում է հակամարտության։ Այս մասին Ռիա Նովոստի-ի հետ զրույցում հայտարարել է ՌԴ Պետդումայի՝ պաշտպանության հարցերի հանձնաժողովի ղեկավարի տեղակալ Յուրի Շվիտկինը։
Ավելի վաղ Politico թերթը գրում էր, որ Վարշավան պատրաստ է երկու միլիարդ դոլար հատկացնել Լեհաստանի տարածքում ամերիկյան ռազմաբազա հիմնելու համար։
Լեհաստանի իշխանությունները նշում էին, որ «ԱՄՆ-ի ռազմական դիվիզիայի մշտական առկայության մեծ անհրաժեշտություն կա»։
«Իմ կարծիքով Լեհաստանի իշխանությունների այս քաղաքականությունն ընդհանուր եզրեր չունի լեհ ժողովրդի դիրքորոշման հետ։ Ակնհայտ է, որ այս երկրի ղեկավարությունը վարում է ռազմականացման քաղաքականություն։ Սրա վառ օրինակն է այն, որ նրանք պատրաստ են երկու միլիարդ դոլար հատկացնել իրենց երկրում ամերիկյան ռազմական մշտական ներկայության համար», - ասել է Շվիտկինը։
Նրա խոսքով՝ նման քայլերը սպառնում են տարածաշրջանի կայունությանը։ Խորհրդարանականը նշել է նաև, որ Մոսկվան պատրաստվում է քայլեր ձեռնարկել իր ռազմական պոտենցիալը բարձացելու ուղղությամբ։
Պատգամավորի կարծիքով՝ մեծ հավանականություն կա, որ Լեհաստանի տարածքում ամերիկյան ռազմաբազա կհիմնվի։