Հարավային Կորեայի նախագահը կարող է մասնակցել Թրամփի և Կիմ Չեն Ընի հանդիպմանը
Հարավային Կորեայի նախագահ Մուն Չժե Ինը կարող է այցելել Սինգապուր ԱՄՆ-ի և Հյուսիսային Կորեայի նախագահների հանդիպման ժամանակ և համաձայնագիր ստորագրել կորեական պատերազմի ավարտի մասին։ Ինչպես ճեպազրույցի ընթացքում հայտարարել է Հյուսիսային Կորեայի նախագահի աշխատակազմի ղեկավարը, նման սցենարը կարող է իրականանալ, եթե Մուն Չժե Ինը հրավեր ստանա մասնակցելու Սինգապուրի գագաթնաժողովին։
«Մենք կսկսենք նախապատրաստվել, երբ ստացվի համապատասխան հրավերը, սակայն դեռ հստակ չենք կարող ասել՝ կլինի ընդհանրապես այդ հրավերը, թե ոչ», - նշել է հարավկորեացի պաշտոնյան։
Ավելի վաղ Yonhap գործակալությունը, հղում կատարելով մեկ այլ աղբյուրի, հայտնել էր, որ Սինգապուրի գագաթնաժողովին Մուն Չժե Ինի մասնակցությունը կախված է ԱՄՆ-ի և Հյուսիսային Կորեայի ներկայացուցիչների խորհրդակցությունների արդյունքներից։
Նախորդ շաբաթ Դոնալդ Թրամփը հայտարարել էր, որ իրենք պատրաստվում են Հյուսիսային Կորեայի հետ բարձր մակարդակի բանակցություններին, չնայած՝ ավելի վաղ նշել է Կիմ Չեն Ընի հետ հանդիպման անհնարինության մասին Փհենյանի «թշնամական հայտարարությունների պատճառով»։
Ակնկալվում է, որ հունիսի 12-ին Սինգապուրում կայանալիք հանդիպմանն առաջին հերթին քննարկվելու է Կորեական թերակղզու ապամիջուկայնացման հարցը։