Թրամփը չի ցանկանում ԱՄՆ-ի և ԿԺԴՀ-ի գագաթնաժողովին տեսնել Ճապոնիայի և Հարավային Կորեայի առաջնորդներին

ԱՄՆ նախագահ Դոնալդ Թրամփը պատրաստվում է Կիմ Չեն Ընի հետ հունիսի 12-ին Սինգապուրում նախատեսված հանդիպումն անցացնել տետատետ՝ չնայած նրան, որ հանդիպմանը մասնակցելու ցանկություն են հայտնել նաև Ճապոնիայի վարչապետ Սինձո Աբեն և Հարավային Կորեայի նախագահ Մուն Չժե Ինը։

Այս մասին գրում է ՏԱՍՍ-ը՝ հղում կատարելով Washington Post թերթին։

Աղբյուրի փոխանցմամբ՝ Հարավային Կորեայի նախագահը և Ճապոնիայի վարչապետը պատրաստակամություն են հայտնել մասնակցել հանդիպմանը, սակայն ԱՄՆ-ի առաջնորդը նախընտրում է վերջիններիս հեռու պահել։ Թրամփը կարծում է, որ կարող է լավ հարաբերություններ հաստատել Կիմ Չեն Ընի հետ, եթե նրանց զրույցն անցնի դեմ առ դեմ՝ առանց ներկաների։

Նշվում է, որ Մուն Չժե Ինը պատրաստ է Սինգապուր ժամանել հունիսի 13-ին, եթե Թրամփը և Կիմ Չեն Ընը համաձայնեն եռակողմ հանդիպում անցկացնել։