Թրամփն ԱՄՆ-ի ամենաչար նախագահն է․ Ռոհանի
Դոնալդ Թրամփն ԱՄՆ-ի ամենաչար նախագահն է 1979 թվականից՝ Իրանում իսլամական հեղափոխությունից ի վեր։ Այս մասին հայտարարել է Իրանի նախագահ Հասան Ռոհանին։
«Իսլամական հեղափոխության հաղթանակից հետո մինչ այսօր ԱՄՆ-ի կառավարությունն Իրանի ժողովրդի թշնամին է։ Սակայն ԱՄՆ-ի այժման նախագահը նախկինում եղածներից ամենավատն է, ամենաչարը և ամենաանազնիվը», - ասել է Ռոհանին։
Նա նաև հիշեցրել է Իրանի միջուկային ծրագրի Համատեղ համապարփակ գործողությունների պլանից ԱՄՆ-ի միակողմանի դուրս գալու մասին։
«Մենք շատ ուրախ ենք, որ Իսլամական Հանրապետությունն ամեն ինչ արել է, որ միջազգային խաղացողները, բացառությամբ մի քանիսի, չեն աջակցել համաձայնագրից դուրս գալու մասին ԱՄՆ-ի որոշումը․ սա աննախադեպ երևույթ է վերջին 40 տարվա ընթացքում», - շարունակել է Իրանի նախագահը։
Մայիսի սկզբին ԱՄՆ նախագահ Դոնալդ Թրամփը հայտարարել էր, որ Միացյալ Նահանգները դուրս է գալիս Իրանի միջուկային համաձայնագրի Համատեղ համապարփակ գործողությունների ծրագրից, ըստ որի Իրանը պետք է սահմանափակեր ուրանի հարստացման իր ծրագիրը ԱՄՆ-ի և ԵՄ-ի կողմից սահմանված մի շարք պատժամիջոցների չեղարկման փոխարեն։ Ամերիկյան վարչակազմի ղեկավարի խոսքով՝ Համատեղ համապարփակ գործողությունների ծրագիրն Իրանին հնարավորություն էր տալիս միջուկային ռումբեր ստեղծել։
Համաձայնագրի մյուս անդամները կողմ են հանդես գալիս համաձայնագրի դրույթների կատարմանը։
Մայիսի 21-ին ԱՄՆ պետքարտուղար Մայք Պոմպեոն հայտարարել է, որ իրենք պատրաստվում են աննախադեպ ճնշում գործադրել Իրանի նկատմամբ՝ սահմանելով ամենախիստ պատժամիջոցները։
Վերջին հոդվածները
ԱՄՆ-ը չի բացառում Սիրիայից զորքերի դուրբերումը չեղարկելու հնարավորությունը․ Չավուշօղլու
Վենեսուելական դատարանը ձերբակալել է ընդդիմության առաջնորդի խորհրդականին
Վիեննայում մեկնարկել են Նիկոլ Փաշինյանի ու Իլհամ Ալիևի բանակցությունները (տեսանյութ)
ՄԱԿ-ում կարծում են, որ ԵՄ-ի հակառուսական պատժամիջոցներից ավելի շատ տուժում է եվրոպական կողմը
ՀՀ ԱԳՆ-ը հաստատում է Նիկոլ Փաշինյանի և Իլհամ Ալիևի հանդիպման մասին լուրերը
