Էրդողանը մեկնաբանել է ԱՄՆ Կոնգրեսի կողմից F-35 կործանիչների մատակարարման արգելքի մասին որոշումը
Թուրքիան ԱՄՆ Կոնգրեսի կողմից ամերիկյան F-35 հինգերորդ սերնդի կործանիչների մատակարարման արգելքի պատճառով դիտարկում է այլընտրանքային բոլոր տարբերակները։ Այս մասին հայտարարել է Թուրքիայի նախագահ Ռեջեփ Թայիփ Էրդողանը։
Նրա խոսքով՝ Անկարան այս կործանիչների մատակարարման համար արդեն վճարել է 800 միլիոն դոլար։ Թուրքիայի նախագահը հույս է հայտնել, որ Դոնալդ Թրամփը կչեղարկի Կոնգրեսի արգելքը։
«Նման սխալ դիրքորոշումը Թուրքիայի նկատմամբ, որը ՆԱՏՕ-ի իրենց ռազմավարական դաշնակիցն է, կարող է հանգեցնել կորստի բոլորի համար», - A Haber-ի եթերում հայտարարել է Էրդողանը։
Նա հավելել է, որ Թուրքիան այժմ աշխատանքներ է տանում սեփական կործանիչներ արտադրելու ուղղությամբ։
Անկարայի և Վաշինգտոնի հարաբերությունները սրվել են նախորդ տարվա դեկտեմբերին, երբ Թուրքիան և Ռուսաստանը համաձայնագիր կնքեցին ռուսական Ս-400 զենիթահրթիռային համակարգերի ձեռքբերման վերաբերյալ։
ԱՄՆ-ը և ՆԱՏՕ-ն բազմիցս քննադատել են Թուրքիային Մոսկվայի հետ համաձայնագիր կնքելու համար։ ԱՄՆ պետքատուղարի օգնականը հայտարարել է, որ Ս-400-ի ձեռքբերումը կարող է բացասականորեն ազդել ամերիկյան կործանիչների մատակարարման վրա։ Թուրքիայի արտաքին գործերի նախարարությունն, իր հերթին, հայտարարեց, որ Անարան միջոցներ կձեռնարկի Վաշինգտոնի դեմ, եթե վերջինս փորձի խոչընդոտել կործանիչների մատակարարմանը։
Աղուր՝ https://ria.ru/world/20180622/1523188265.html?referrer_block=index_main_6