Սաուդյան Արաբիայի հակաօդային պաշտպանությունը չեզոքացրել է Եմենի ապստամբների արձակած բալիստիկ հրթիռը
Սաուդյան Արաբիայի հակաօդային պաշտպանության համակարգերը մայրաքաղաք Ռիադի օդային սահմաններում կարողացել են բալիստիկ հրթիռ չեզոքացնել, որն արձակել էին Եմենի ապստամբ հուսիները։
Այս մասին գրում է Ռիա Նովոստի-ն՝ հղում կատարելով սաուդական աղբյուրներին։
Տեղի լրատվամիջոցները տեսանյութեր են հրապարակել, որտեղ երևում է հրթիռային գրոհի լուսային արտացոլանքը։ Հրթիռային հարձակման փորձը տեղի է ունեցել մուսուլմանների երեկոյան աղոթքի ժամին։
Հիշեցնենք, որ Եմենում շարունակվում են զինված գործողությունները, որոնց երկրի նախագահ Աբդ Ռաբո Մանսուր Հադիի կողմից մասնակցում է նաև Սաուդյան Արաբիայի գլխավորած կոալիցիան։ Ի պատասխան՝ հուսիները հաճախ փորձում են ռմբակոծել Սաուդյան Արաբիայի տարածքը։