Մոսկվան և Վաշինգտոնը համաձայնեցրել են Պուտինի և Թրամփի հանդիպման վայրն ու ժամկետը
Վաշինգտոնը և Մոսկվան համաձայնեցրել են Վլադիմիր Պուտինի և Դոնալդ Թրամփի հանդիպման վայրը և ժամկետը։ Այս մասին ՌԴ նախագահ Վլադիմիր Պուտինի և ԱՄՆ նախագահ Դոնալդ Թրամփի՝ ազգային անվտանգության հարցերով խորհրդական Ջոն Բոլթոնի հանդիպումից հետո հայտարարել է ՌԴ նախագահի օգնական Յուրի Ուշակովը։
«Հանդիպում անցկացնելու մասին հարցը քննարկվում է շատ վաղուց։ Այժմ կարող եմ ասել, որ համաձայնեցվել է հանդիպման անցկացման ժամկետը և վայրը», - ասել է Ուշակովը՝ հավելելով, որ հանդիպումը տեղի է ունենալու երրորդ երկրում։
«Բոլթոնի հետ հանդիպումից առաջ մենք ունեցել նք փակ կոնտակտներ, որոնց ընթացքում նույնպես քննարկվել են հանդիպման վայրի և ժամկետների մասին հարցեր։ Ընտրվել է բավական հարմար վայր թե մեզ, թե ամերիկացիների համար», - շարունակել է Կրեմլի ներկայացուցիչը։
Նա նշել է, որ հանդիպման ավարտին հնարավոր է՝ Պուտինը և Թրամփը հանդես գան համատեղ հայտարարությամբ, ինչը կուրվագծի երկու երկրների հետագա անելիքները։
Ուշակովի խոսքով՝ քննարկվելու են ռազմավարական կայունությունը, միջազգային ահաբեկչության դեմ պայքարը, երկկողմ հարաբերությունները և մի շարք այլ կարևոր հարցեր։
Աղբյուր՝ http://tass.ru/politika/5328949